Pirita Näkkäläjärvi searvá Luontoa ráđđeaddijoavkui
Strategiija- ja gulahallanáššedovdi Pirita Näkkäläjärvi lea álggahan Luontoa ráđđeaddin. Pirita fokusere barggustis erenoamažit vásttolašvuođa ja fitnodatdoaimma ekonomalaš ulbmiliid ovttastahttimii. Su máhttu nanne Luontoa jo ovdalaččat áibbas unihkka máhtu, mii laktasa eamiálbmotrivttiid ja fitnodatvásttolašvuođa oktavuhtii.
”Pirita nana vásáhus jođihanbargguin ja konsultan strategiija- ja gulahallanproseassain, fitnodatgávppiin ja investerendoaimmain doarju Luontoa fitnodatdoaibmamáhtu, ja buorida min vejolašvuođaid ovttastahttit fitnodagaid gudneáŋgiris vásttolašvuođa ulbmiliid daid ollislaš strategiijai. Illudan maid das, ahte Pirita searvan Luontoa ráđđeaddijoavkui nanne min jo ovdalaččat áidnalunddot máhtu, mii laktasa eamiálbmogiid ja sámiid rivttiide. Dat rahpá ođđa ja miellagiddevaš vejolašvuođaid ovdamearkan ruoná sirdašumi gáibidan industriijafidnuid, fitnodatgávppiid, ja fitnodatdoaibmavejolašvuođaid hárrái, mat sihkkarit beroštahttet min kundariid”, dadjá Luontoa beaivválaš jođiheaddji Inka Musta.
Pirita Näkkäläjärvi oaidná ovttasbarggus olu vejolašvuođaid.
”Lean jo guhká ovttastahttán barggu fitnodatmáilmmis sihke servodatváikkuheami. Lean ovdamearkan bargan energiasuorggi fitnodagaiguin. Mus lea leamaš vejolašvuohta váikkuhit fitnodagaid siste ovdamearkan bieggafápmofidnuide ja buktit seammás fitnodagaide dieđu eamiálbmogiid rivttiin. Gieskat lean doaibman ráđđeaddin maiddái dálkkádagadivvunságastallamiin. Váikkuheapmi máŋgga dásis lea dehalaš vai ruoná sirdašupmi lea vuoiggalaš, ja vai luonddujávkku dustemii ja dálkkádatrievdamii vuogáiduvvamii laktaseaddji doaimmat eai duolmma eamiálbmogiid rivttiid. Luontoa Consultinga bokte beasan bargat ovttas fitnodagaiguin barggu, mainna geahččalit čoavdit áigámet stuorámus hástalusaid falanis vuogi mielde, muhto beaktilit”, Pirita Näkkäläjärvi dadjá.
Pirita Näkkäläjärvis lea unihkka profiila, mas ovttastuvvet globála fitnodatdoaibma sihke eamiálbmogiid rivttiid ovddideapmi media ja politihkalaš váikkuheami bokte. Pirita bastá hukset oktavuođaid earálágan máilmmiid gaskii, daningo son ádde sihke bisnesmáilmmi, ja rivttiidoamasteaddjiid ja čanusjoavkkuid geahččanguovllu. Pirita lea ovdal bargan EY-Parthenonas, PwC Strategy&:as, Booz & Companys ja Merrill Lynchas sihke Helenas, Metsos ja Nokias. Lassin Pirita lea doaibma Yle sámegiel sisdoaluid váldodoaimmaheaddjin ja son lea Suoma Sámedikki áirras Anáris. Piritas lea gávpediehtagiid magisttara dutkkus Helssega gávpeallaskuvllas (dálá Aalto) sihke media ja gulahallama magisttara dutkkus (with Distinction) London School of Economicsis.
Luontoa Consulting lea Ffalanis ja áššedovdi guoibmi buotsturrosaš organisašuvnnaide vásttolašvuođa ollašuhttimis. Mii dovdat fitnodatovddasvástádusa gáibádusaid ja diehtit mo dat heivejuvvojit oktii fitnodatdoaimma ekonomalaš ulbmiliiguin. Min erenoamašmáhttu laktasa fitnodagaid luonddučovdosiidda sihke čanusjoavkkuid oassálastimii vásttolašbarggu ovddideamis.
Pirita Näkkäläjärvi LinkedInis
Lassedieđut:
Ráđđeaddi Pirita Näkkäläjärvi, 040536113, pirita.nakkalajarvi@uniarts.fi
Beaivválaš jođiheaddji Inka Musta, 0406349900, inka@luontoaconsulting.fi